تیرۆریستێكی خۆكوژ كە بەنیازبوو خۆی بە كاروانێكی ماتەمگێڕانی شیعە لە دیالە بتەقێنێتەوە، تەقەی لێكرا و كوژرا.
بەپێی زانیارییەكان، لە كاتی قەرەباڵغبوونی کاروانێکی ماتەمگێڕانی شیعەدا لە باكووری خۆرهەڵاتی پارێزگای دیالە، تیرۆریستێكی خۆكوژ كە پشتێنی بۆمبڕێژكراوی لە خۆی بەستبوو، هەوڵیداوە خۆی بگەیەنێت بە كاروانی ماتەمگێڕاندا و ویستوویەتی كردەوەی خۆكوژییانە ئەنجامبدات.
میدیای عێراقی بڵاویكردەوە، بەر لەوەی تیرۆریستەكە خۆی بتەقێنێتەوە، هێزە ئەمنییەكان كە لە ناوچەكەدا بڵاوكراونەتەوە بۆ پارێزگاریكردن لە ڕێوڕەسمەكانی عاشورا و ماتەمگێڕان، تەقەیان لە خۆكوژەكە كردووە و كوشتوویانە.
