یانەی بەرشلۆنە داوای پێداچونەوە بۆ چوار گرێبەستی یانەكەی دەكات و پێیوایە تاوانی ئیداری تیا ئەنجامدراوە.
خوان لاپۆرتا سەرۆكی یانەی بەرشلۆنە بڕیاریداوە بۆندی هەر چوار یاریزان پیكێ و دی یۆنگ و شتیگن و لینگلیت بۆ دادگای باڵای ئیسپانیا بەرزبكاتەوە.
لاپۆرتا پێیوایە ئەو چوار گرێبەستە نایاساین و گەندەڵی زۆری تێدا كراوە.
پێشیوایە هەڵەی ئیداری زۆری تێدایە و گرێبەستەكەش بە پێی بازاڕی گواستنەوەی یاریزانان ئەنجام نەدراوە.
گەر لاپۆرتا براوە بوو لە كەیسەكەدا، دەتوانێت گرێبەستی هەر چوار یاریزانەكە نوێ بكاتەوەو بە ویستی خۆی گرێبەستی نوێ بخاتە بەردەستیان.
