بڕیارە دوای نوێژی هەینی، هادی عامری و موقتەدا سەدر كۆببنەوە.
میدیاكانی عێراق بڵاویانكردووەتەوە ئەمڕۆ هەینی، لە شاری بەغداد نوێژی بە كۆمەڵ ئەنجامدەدرێت و دوای نوێژی بەكۆمەڵیش هادی عامری، سەرۆكی هاوپەیمانیی فەتح لەگەڵ موقتەدا سەدر، ڕێبەری ڕەوتی سەدر كۆدەبێـتەوە.
ئاماژە بەوەشكراوە، موقتەدا سەدر و هادی عامری لە كۆبوونەوەكەیاندا پەرەسەندنی گرژی و ئاڵۆزییەكانی چەند ڕۆژی ڕابردووی عێراق تاوتوێدەكەن.
لە چەند ڕۆژی ڕابردوودا چێوەی هەماهەنگیی شیعەكان هادی عامری-یان ڕاسپارد دانوستاندن لەگەڵ موقتەدا سەدر ڕێبەری ڕەوتی سەدردا بكات.
