ئەمڕۆ بۆ جاری چوارەم بۆری ئاوی ئیفرازی 3ی هەولێر شكایەوە و بەهۆيەوە گەڕەكانی هەولێر بێئاو دەبن.
پەیامنێری تۆڕی میدیایی ئێستا لە هەولێر گواستیەوە ئەمڕۆ هەینی، جارێكی دیكە بۆری ئاوی ئیفرازی 3ی هەولێر شكایەوە و زۆربەی گەڕەكانی هەولێر بێئاو دەبن.
ڕاشیگەیاند، بەهۆی شكاندنی ئەو بۆرییەوە 40 % ی گەڕەكانی هەولێر بێئاودەبن و تاوەكو 48 كاتژمێری دیكە ئاو بەو گەڕەكانە نادرێت.
ئاماژەی بەوەشكرد، لەماوەی نزیكەی ساڵێكدا 26 جار ئەو بۆریيە شكاوە و هاوڵاتییانی شاری هەولێر بێئاوبوون.
