ئەو گەنجەی عەلی عەونی دەستگیریكردبوو ئازادكرا

ئەو گەنجەی زاخۆ، كە لەلایەن بەرپرسێكی پارتییەوە زیندانیكرابوو، دوێنێ ئازادكرا.

دوای ئەوەی هەواڵی دەستگیركردنی گەنجێك لەلایەن عەلی عەونی ئەندامی سەركردایەتی و بەرپرسی لقی 8ی پارتی لە زاخۆ بڵاوكرایەوە و بەشێك لە میدیاكانی هەرێمی كوردستان كاریان لەسەر پرسەكە كرد، دوێنێ “خاكڤین” بەناچاری ئازادكرا.

پێشتر محەمەد بلیجانی هاوڵاتییەكی خەڵكی زاخۆیە و باوكی گەنجە دەستگیركراوەكەیە، لە تۆڕی كۆمەڵایەتیی فەیسبووك نووسیبووی، ڕۆژی 29/6/2022، پۆلیسی زاخۆ لەسەر سكاڵایەكی عەلی عەونی ئەندامی سەركردایەتی و بەرپرسی لقی 8ی پارتی لە زاخۆ، “خاكڤین”ی كوڕیان بانگكردووە و نێردراوە بۆ دادگا لێكۆڵینەوەیان لەگەڵدا كردووە، بەڵام دادگا كوڕەكەیان بێتاوان كردووە و هیچی لەسەر نەبووە، بۆیە ئازادیان كردووە.

بەڵام باوكی گەنجەكە ئاشكرایكردووە، دواتر و لە ڕۆژی 6/7/2022 و چەند ڕۆژێك پێش جەژنی قوربان، دووبارە دادگا خاكڤین-ی بانگكردووەتەوە و “لێكۆڵەری دادگا و نوێنەری لقی 8ی پارتی پێكەوە” لێكۆڵینەوەیان لە گەنجەكە كردووە و بڕیاری دەستگیركردنیان داوە.

محەمەد بلیجانی بۆ ڕۆژی دواتر چووەتە دادگا تا كوڕەكەی بە كەفالەت ئازادبكات، بەڵام وەك خۆی دەڵێت، لە دادگای زاخۆ بە باوكی گەنجەكە و پارێزەرەكانیان وتووە، ئەوان وەكو دادگا هیچیان لەسەر گەنجەكە نییە و “خاكڤین دەستگیركراوی كاك عەلی عەونی بەرپرسی لقی 8ی پارتییە”.

وەكو باوكی گەنجەكە نووسیویەتی، دوای ئەوەی لە یەكەم جاردا دادگا بڕیاریداوە خاكڤین ئازادبكات، گەنجەكە لە فەیسبووك پۆستێكی كردووە و وەسفی دادگای زاخۆی كردووە، بەوەی لەژێر دەستی بەرپرساندا نییە و سەربەخۆیە، بەڵام “لەسەر ئەو مەدح و پۆستەی فەیسبووك” خاكڤین لەلایەن بەرپرسەكەی پارتییەوە دەستگیركراوە.

بابەتی پێشتر

پۆلیسێکی هاتوچۆ ژنێک لە هەوڵی خۆکوشتن ڕزگاردەکات

بابەتی دواتر

تەقە لە ماڵی حاجی مەسیفی كرا

بابەتی پەیوەندیدار
زیاتر ببینە

سێ تیرۆریست لە سلێمانی دەستگیركران

ئاسایشی سلێمانی و هەواڵگریی عێراق سێ تیرۆریستیان لە سلێمانی دەستگیركرد. بەپێی ڕاگەیەندراوێكی شانەی ڕاگەیاندنی ئەمنی، مەفرەزەكانی بەڕێوەبەرایەتیی گشتیی…
Total
0
Share