هاوردەكردنی بەرهەمی تەماتە و خەیار قەدەغەكرا

وەزیری كشتوكاڵی هەرێم ئاشكرایدەكات، دوابەدوای پەیوەندییان لەگەڵ وەزیری كشتوكاڵی عێراقدا بڕیاردرا بە قەدەغەکردنی هاوردەکردنی بەرهەمی تەماتە و خەیار لە مەرزەکان.

بەپێی ڕاگەیەندراوێكی وەزارەتی كشتوكاڵی هەرێم، لەپێناو پاڵپشتیکردنی ڕاستەوخۆی جوتیارانی هەرێم بۆ ساغکردنەوەی بەرهەمی خۆماڵیی( تەماتە و خەیار) و هەناردەکردنی بۆ بازاڕەکانی ناوەڕاست و خوارووی عێراق هاوردەكردنیان قەدەغەكراوە.

هاوكات بێگەرد تاڵەبانی، لە هەژماری خۆی لە تۆڕی كۆمەڵایەتیی فەیسبووك بڵاویكردووەتەوە، “بەسوپاسەوە ئەم کێشەیە چارەسەر کرا، بەهەماهەنگی و بڕیاری ئەنجومەنی وەزیران و وەزارەتی کشتوکاڵی عێراق”.

دەشڵێت، “زۆر سوپاسی وەزیری کشتوکاڵی عێراق دەکەم، کە ئەمڕۆ وەڵامیان دایەوە و داواکاریی و پێشنیاری ئێمەیان لەم بارەیەوە پەسندکرد”.

ئەوەش لەكاتێكدایە، ئەمڕۆ بەشێک لە جوتیارانی سلێمانی بەرامبەر هەرزانی و ساخنەبوونەوەی بەرهەمەکانیان، تەماتە و خەیارەکانیان فڕێدایە سەر شەقامەكان.

بابەتی پێشتر

هاتوچۆی هەولێر لەبارەی "ڕەماش"ــەوە ڕوونكردنەوە دەدات

بابەتی دواتر

كەسێكی تەمەن 65 ساڵ لە ئاوی ڕووباری خابووردا خنكا

بابەتی پەیوەندیدار
زیاتر ببینە

30 پەرلەمانتار هۆشداریدەدەن

ژمارەیەك پەرلەمانتاری كوردستان هۆشداریدەدەن لەو مەترسییانەی كە لەسەر ژیانی چالاكوانانی بادینان هەن و ڕایدەگەیەنن، “زیندانییانی بادینان پاش ئەوەی…
Total
0
Share