پیاوێكی ئایینی كچەكەی لە ژوورێكدا كە ڕووبەرەكەی مەتر و نیوێك دووجایە بە زنجیر بەستووەتەوە، دوای دەستگیركردنی لەلایەن هێزە ئەمنییەكانەوە، دادگا سزای بەسەردا سەپاند.
بەپێی سەرچاوەیەكی ئەمنیی پارێزگای نەجەف، ژوورەكە هاوشێوەی زیندانیی تاكەكەسی بووە، باوكەكە كچەكەی چەوساندووەتەوە و بە زنجیر بەستوویەتییەوە، بەو تۆمە لە مانگی شوباتدا دەستگیركراوە و ئەمڕۆ دادگاییكراوە و سزای دوو ساڵ زیندانیكردنی توندی بەسەردا سەپێندراوە.
سەرچاوەكە دەڵێت، كچەكە تەمەنی لە خوار 18 ساڵییەوەیە و لە خانوویەكی تەواونەكراوە “هەیكەل”دا كە هیچ خزمەتگوزاری و ئامرازێكی ژیانكردنی ئاسایی تیادانییە بەستراوەتەوە، تەنها تەوالێتێكی گەڕۆكی بۆ دانراوە و دەرگای ژوورەكە قفڵدراوە.
