تەرمی گەنجێك دۆزرایەوە كە چوار ڕۆژ لەمەوبەر لە ڕووباری گەلی عەلی بەگ گیانیلەدەستدا.
بەڕێوەبەرایەتیی بەرگریی شارستانیی سۆران ڕایگەیاند، دواى چوار ڕۆژ گەڕان و پشكنين بەدرێژايی ڕووبارى گەلى عەلى بەگ، تيمەكانیان بە هاوكاریى كەسوكارى توانییان تەرمى هاوڵاتى (مستەفا ڕزگار) به دووریى دوو كيلۆمەتر له شوێنى خنكانى بدۆزنەوه.
هەینی ڕابردوو دوو گەنجی خەڵكی هەولێر بە ناوەكانی (ئیبراهیم شێرزاد) تەمەن 21 ساڵ و (مستەفا ڕزگار) تەمەن 19 ساڵ لەكاتی مەلەكردندا لە گەلی عەلی بەگ خنكان.
بەرگریی شارستانی ڕوونیكردەوە، هەمان ڕۆژ دوای كەمتر لە كاتژمێرێك تەرمی ئیبراهیم لەلایەن تیمەكانیانەوە دۆزرایەوە.
دەشڵێت، تەرمی دووەمیش ئەمڕۆ دوای دۆزینەوەی ڕەوانەی پزیشكی دادوەریی سۆران كرا.
