ئەو كەسەی ئەمڕۆ لە گرتووخانەی چاكسازی گەورانی سلێمانی گیانیلەدەستدا یەكێك بووە لەو كەسانەی كە تۆمەتبار بووە بە ئەنجامدانی تەقینەوەكەی بەردەم ئۆتێل سلێمانی پاڵاس لەساڵی 2008دا.
یادگار حاجی، بەرپرسی بەشی توێژەران لە چاكسازی گەورانی سلێمانی لە لێدوانێكدا بە تۆڕی میدیایی ئێستای ڕاگەیاند، ئەو كەسەی ئەمڕۆ یەكشەممە لە زیندانی چاكسازیی گەورانی سلێمانی گیانیلەدەستدا تەمەنی 50 ساڵ بووە یەكێك بووە لە ئەنجامدەرانی تەقینەوەكەی بەردەم ئۆتێل سلێمانی پاڵاس لەساڵی 2008دا.
ئاماژەی بەوەشكرد، تۆمەتبارەكە بەپێی ماددەی تیرۆر سزادرابوو و مردنی زیندانییەكەش لەناكاو بووە و هیچ كێشەیەكی تەندروستی نەبووە و لە ئێستاشدا نێردراوە بۆ پزیشكی دادوەری تا توێكاری بۆ تەرمەكەی بكرێت.
