باڵیۆزخانەی ئەمریكا لە عێراق ئیدانەی هێرشەكەی هەولێر دەكات و داوا لە هێزەعێراقییەكان و هێزەكانی هەرێمی كوردستان كاری هاوبەش و هەماهەنگی زیاتریان هەبێت.
بەپێی ڕاگەیەندراوێكی باڵیۆزخانەی ئەمریكا لە عێراق تێیدا هاتووە، ئیدانەی ئەو هێرشە دەكەین كە كرایە سەر هەولێر و بەهۆیەوە هاوڵاتییانی سڤیل و موڵك و ماڵی هاوڵاتییان كرانە ئامانج.
ئاماژە بەوەشكراوە، ئەمجۆرە هێرشانە دەبنە هۆی هەڕەشەكردن لە ئاسایشی هاوڵاتییان و زیانگەیاندنیان بۆیە جەخت لە كاركردنی هاوبەشی هێزەعێراقییەكان و هێزەكانی هەرێمی كوردستان دەكەینەوە.
