وەزارەتی كشتوكاڵی هەرێم ڕایگەیاندووە، كار لەسەر ئەوە دەكەن كە بەرهەمی جوتیاران بە پیشەسازی بكەن.
لە ڕاگەیەندراوێكدا وەزارەتی كشتوكاڵی هەرێم ڕایگەیاندووە، ئەمڕۆ دووشەممە 23ی تشرینی دووەم بێگەرد تاڵەبانی، وەزیری كشتوكاڵ و سەرچاوەكانی ئاو سەردانی هەریەك لە عەلی عوسمان، بریكاری وەزارەتی بارزگانی و پیشەسازی بۆ كاروباری پیشەسازی و سەروەر هاواری، بریكاری وەزارەتی بازرگانی و پیشەسازی بۆ كاروباری بازرگانی كردووە.
ئەوەش خراوەتەڕوو، لەو كۆبوونەوەیەدا، جەختكراوەتەوە لەسەرە ئەوەی كە هەردوو وەزارەتی بازرگانی و پیشەسازی و كشتوكاڵ و سەرچاوەكانی ئاو تەواوكاریی یەكترن بۆ بایەخدان و بە پیشەسازیكردنی بەرهەمی ناوخۆیی و هەماهەنگیی نێوان هەردوو وەزارەت بۆ هەنگاونان بەرەو بە پیشەسازیكردنی بەرهەمی جوتیاران گفتوگۆی وردی لەسەر كراوە.
هەروەها گفتوگۆكراوە لەسەر كۆبوونەوەیەكی هاوبەشی نێوان هەردوو وەزارەت و كارگەكان كراوە بۆ دانانی ڕێژەیەك لەبەكارهێنانی بەرهەمی ناوخۆیی.
