وەزارەتی شارەوانی و گەشتوگوزاری هەرێم بڵاویكردووەتەوە، بڕیاری لێخۆشبوونی قەرزەكانی ئاو و شارەوانی و گەشتوگوزار و شوێنەوار درێژناكرێنەوە و چەند ڕۆژێكی دیكە كۆتایی دێت.
بەپێی نووسراوێكی وەزارەتی شارەوانی و گەشتوگوزار كە ئاراستەی سەرجەم فەرمانگە و دامەزراوەكانی سەر بە وەزارەتەكە و بەرێوەبەرایەتیی ئاو و ئاوەڕۆ كراوە تێیدا هاتووە، دوا وادە بۆ لێخۆشبوونی ڕێژەی15 ٪ی قەرزەكانی ئاو، گەشتوگوزار، شارەوانی و شوێنەوار كە لەلای هاوڵاتییانە تاوەكو 6ی ئەم مانگەیە و لەو وادەیە بەدواوە درێژناكرێـتەوە.
ئاماژە بەوەشكراوە، ئەو هاوڵاتییانەی قەرزی حكومەتیان لایە لە سێكتەرەكانی ئاو، شارەوانی، گەشتوگوزار و شوێنەوار، پێویستە لە ماوەی ئەو چەند ڕۆژەی ماوە، سەردانی دامودەزگەكانی شارەوانی، ئاو، گەشتوگوزار و شوێنەوار بكەن بۆ ئەوەی لە بڕیارەكە سوودمەندبن و لەو دوای 6ی ئەم مانگەوە هیچ داشكاندن و لێخۆشبوونێك نایانگرێتەوە و بڕیارەكەش درێژ ناكرێتەوە.
