بەپێی وتەی دەسەڵاتدارانی چیللی، ژمارەیەك كەس هەڵیانكوتاوەتەسەر ماڵی وەزیری بەرگریی وڵاتەكە، لە كوڕەكەیان داوە و هەڕەشەشیان لە هاوسەرەكەی كردووە.
ڕووداوەكە دوێنێ بووە و ماڵی مایا فرناندیز-ی وەزیری بەرگریی چیللی گرتووەتەوە.
جەنەڕاڵ جان كامۆ فەرماندەی پۆلیسی ناوچەكە ڕووداوەكەی پشتڕاستكردەوە و وتی، “كەسەكان نەناسراون و پارە و ئۆتۆمبێلیان بردووە”.
هەمان شەو پلەدارێكی پۆلیسی نیشتمانیی وڵاتەكە كە وەك پاسەوانی كەسی لە سەرۆكایەتی چیللی كاردەكات بە فیشەكێك برینداركرا، دوای ئەوەی ڕووبەڕووی دزی و تەقەلێكردن بووەوە، كاتێك ژمارەیەك كەس لێی نزیكبوونەوە لەكاتێكدا لەنێو ئۆتۆمبێلە فەرمییەكەیدا بووە.
ڕووداوەكە لە باشووری سانتیاگۆ بووە. بەپێی وتەی پۆلیس هێرشبەران قوربانییەكەیان بۆ شارۆچكەیەكی باكووری سانتیاگۆ بردووە و تەقەیان لێكردووە و جێیانهێشتووە و بە ئۆتۆمبێل هەڵهاتوون.
دەسەڵاتدارانی چیللی باندە تاوانكارە ڕێكخراوەكان بە بەرپرس لە زیادبوونی ڕووداو و توندوتیژییەكان ناودەبەن.
