گووگڵ وەشانێکی ئەزمونیی Android 13ی ڕاگەیاندووە کە تایبەتمەندیی نوێ بۆ مۆبایلەکانی ئەو سیستمە زیاددەکات.
بەپێی شارەزایانی بواری تەکنەلۆژیا، دیارترین تایبەتمەندیی ئەم وەشانە نوێیە خزمەتگوزاریی نوێی “spatializer”ە و کێبڕکێی “Spatial Sound”ی ئەپڵ دەکات، کە تایبەتە بە گوێگرتن لە گۆرانی و شێوازی دەنگ.
خزمەتگوزارییە نوێیەکە دەنگی ڕوونتر و کاریگەریی سێڕەهەندی بە دابەشکردنی دەنگەکان دەدات لە کاتی گوێگرتن لە گۆرانیدا.
چاوەڕواندەکرێت ئەم خزمەتگوزارییە لە کۆتایی ئەمساڵدا و لەگەڵ بڵاوبوونەوەی وەشانی یەکجاریی Android 13دا کارا ببێت و لەگەڵ بیستۆکەکانی Pixel Buds و جۆرە نوێیەکانی دیکەی بیستۆکەکانی گووگڵدا کار بکات.
شارەزایان ڕایانوایە ئەم هەنگاوەی گووگڵ بە ئامانجی پەرەپێدانی جۆرێکی نوێی بیستۆکە زیرەکەکانە، تاکو کێبڕکێی بیستۆکەکانی “AirPods Max” و سیستمە دەنگییە زیرەکەکانی دیکەی ئەپڵ بکات.
