دوای چوار مانگ هاوسەرگیری محەمەد سابیری تەمەن 22 ساڵ، لەگەڵ هاوسەرەکەی ئێوارەی ئەمڕۆ هەینی 20ی تشرینی دووەم، لە ڕوداوێکی هاتوچۆدا لەناوئۆتۆمبێلەکەیاندا سوتان و گیانیانلەدەستدا.
کاتژمێر 5:00ی ئێوارەی ئەمڕۆ، لە ڕوداوێکی هاتوچۆدا لەنێوان ئۆتۆمبێلێکی ئۆپڵ و نیسان پیکئابێکدا، سێ کەس گیانیانلەدەستدا، دووان لەوانە هاوسەرن و ماوەی چوار مانگە هاوسەرگیرییان کردووە.
شڤان گۆپتەپەیی کەسوکاری قوربانییەکە، بە تۆڕی میدیایی ئێستا وتی، ” ئەو دوو هاوسه‌رەی له ئۆپڵه‌كه‌دا سوتان و گیانیان له‌ده‌ستدا، ماوه‌ی چوار مانگه هاوسه‌رگیرییان كردووه، محەممەد سابیر تەمەنی 22 ساڵان بوو و کۆچەر لەتیفی هاوسەریشی تەمەنی 20 ساڵان بوو”.
ڕوداوەکە له ڕێگای نێوان گۆپته‌په-ئاغجه‌له‌ر ڕویداوە له‌نێوان نیسان پیكئاپ و ئۆپڵێكدا ڕویدا، له ئه‌نجامدا سێ کەس سوتان و گیانیان له‌ده‌ستدا.
هەر لەو ڕوداوەدا کەسێکی دیکەش سوتاوە کە لە ئۆتۆمبێلی نیسان پیکئابەکەدا بووە و گیانیلەدەستداوە.
