پۆلیسی سلێمانی ئەو پیاوەی دەستگیركرد كە قیمە و جگەری خراپی لە ماڵەكەیدا هەڵگرتبوو

پۆلیسی سلێمانی دەستگیركردنی ئەو پیاوەی ڕاگەیاند كە ئەمڕۆ 550 كیلۆگرام گۆشت و قیمەی هندی و جگەری بەستووی ئێرانی كە سەرجەمیان بەبڕیاری وەزارەتی كشتوكاڵ و تەندروستی قەدەغەن، لە ماڵەكەیدا هەڵگرتبوو.

بەپێی ڕاگەیەندراوێكی بەڕێوەبەرایەتیی پۆلیسی پارێزگای سلێمانی، “مەفرەزەكانی بنكەی پۆلیسی سەرا بەهاوكاری لیژنەكانی قائیمقامیەتی سلێمانی توانییان دەستبگرن بەسەر بڕێك خواردەمەنی ڕێگەپێنەدراودا.

باسی لەوەشكردووە، تۆمەتباركە د لەماڵەكەیدا بڕێك خۆراكی ڕێگەپێنەدراوی دانابوو بە نیازبوو لە دوكانەكەیدا لەناوبازاڕی شاری سلێمانی ساغی بكاتەوە .

ڕوونیشیكردووەتەوە، لەماڵی تۆمەتباركەدا دەستگیرابەسەر 550 كیلۆگرام گۆشت و قیمەی هندی و جگەری بەستووی ئێرانی كە سەرجەمیان بەبڕیاری وەزارەتی كشتوكاڵ و تەندروستی قەدەغەن، لەگەڵ 250 كیلۆگرام ساسی ئامادەكراو كە بەهۆی خراپ هەڵگرتنیانەوە خراپ ببون.

بابەتی پێشتر

یەكێتی لەگەڵ هەناردەكردن و فرۆشتنی غازی سروشتییە لە ڕێگای حكومەتی عێراقەوە

بابەتی دواتر

سبەینێ بڕە پارەیەك بە مامۆستایان دەدرێت

بابەتی پەیوەندیدار
Total
0
Share