ڕێكخراوێكی ئەمریكی داوای ڕاگرتنی هێرشەكانی توركیا دەكات

تیمی كوردستان عێراقی ڕێكخراوی سی پی تی ئەمریكی ڕایدەگەیەنێت، توركیا بەر لە دەستپێكردنی ئۆپەراسیۆنەكەی 50 جار گوندەكانی دەروبەری شیلادزێ و دێرەلوك و كانی ماسێی بۆردوومانكردووە.

تیمەكەی ڕێكخراوی سی پی تی ئەمریكی لە ڕاگەیەندراوێكدا ئاماژەی بەوەكردووە، “دوێنێ شەو سوپای توركیا ئۆپەراسیۆنێكی سەربازیی نوێی لەژێر ناوی چنگی-قفڵ لە ناوچەكانی ئاڤاشین، زاپ و مەتینا لە قەزای ئامێدی لە پارێزگای دھۆك لە ھەرێمی كوردستان، ڕاگەیاند”.

باسی لەوەشكردووە، بەر لە دەستپێكردنی ئۆپەراسیۆنەكە، ھێزی ئاسمانیی توركیا نزیكەی 50 جار گوندەكانی دەوروبەری شیلادزێ، دێرەلوك و كانی ماسێ- یان بۆردوومانكرد و بەدەیان سەربازی توركیش لە ھێلیكۆپتەرەوە بۆ سەر چیاكانی دەڤەری نێروە و ڕێكان دابەزێنرانە خوارەوە”.

بۆیە تیمەكەی ڕێكخراوە ئەمریكیەكە، داوا لە سوپای توركیا دەكات، كە دەستبەجێ بۆردوومانەكانی بۆ سەر ھەرێمی كوردستان ڕابگرێت و چیتر ژیانی ھاوڵاتیانی مەدەنی نەخاتە مەترسییەوە.

ئەوەش لەكاتێكدایە، شەوی ڕابردوو وەزارەتی بەرگریی تورکیا دەستپێکردنی ئۆپەراسیۆنی کلیل چنگی لە هەرێمی کوردستان دژی پەکەکە ڕاگەیاند و هەپەگەش ئاشکرایکرد ئەو فڕۆکانەی هێرش دەکەنەسەر زاپ لە ناو خاکی هەرێمی کوردستانەوە دەفڕن.

بابەتی پێشتر

ڕۆیشتنی ئەبرامۆڤیچ کۆتایی کانتی و جۆرجینیۆیە

بابەتی دواتر

دوو شەپۆلی بارانبارین ڕوو لە شارەكانی هەرێم دەكەن

بابەتی پەیوەندیدار
زیاتر ببینە

خۆبه‌ڕێوه‌به‌ری له‌ ڕۆژئاوا بەرامبەر ڕێكارەكانی “پارتی” لە فیشخاپوور، كاردانەوەی نواند

ئیدارەی خۆبه‌ڕێوه‌به‌ری له‌ ڕۆژئاوای كوردستان له‌ سبەینێ چوارشەممەوە ده‌روازه‌ی سنووریی سێمالكا له‌گه‌ڵ هه‌رێمی كوردستان داده‌خات، بڕیارەكە كاردانەوەیە بەرامبەر…
Total
0
Share