نزار بامەڕنی بەڕێوەبەری پێشووی نووسینگەی دهۆكی كۆچ و كۆچبەرانی سەر بە وەزارەتی ناوخۆی هەرێمی كوردستان، بەتۆمەتی تێوەگلان لە گەندەڵی دەستگیركراوە.
ماوەی مانگێكە نزار بامەڕنی بەڕێوەبەری پێشووی نووسینگەی دهۆكی كۆچ و كۆچبەرانی سەر بە وەزارەتی ناوخۆی هەرێمی كوردستان، لەلایەن هێزەكانی پۆلیسی دهۆكەوە دەستگیركراوە و لە گرتووخانەی چاكسازیی گەورانی دهۆك دەستبەسەرە.
بەپێی زانیارییەكانی پەیامنێرمان، ئەو كاربەدەستە تۆمەتبارە بە تێوەگلان لە گەندەڵی، كە بریتییە لە ئەنجامدانی گرێبەستی كڕینی ئامێری سپلیت بۆ فەرمانگەكانی سەر بە بەڕێوەبەرایەتییەكە و وەرگرتنی پارەكەی بەبێ ئەوەی هیچ ئامێرێك بكڕێت.
وتیشی، تۆمەتێكی تری سەر ئەو كاربەدەستە، وەرگرتنی پارەیە لە ڕێكخراوە خێرخوازی و مرۆییەكان بۆ كڕینی ژمارەیەك موەلیدەی كارەبا بۆ كامپەكانی ئاوارەكان، بەڵام موەلیدەكان بۆ كامپەكان دابیننەكراون، وەك ئەندامێكی ئەنجومەنی پارێزگای دهۆك بە مەرجی ئاشكرانەكردنی ناوەكەی قسەی بۆ ئێستا كردووە.
