لە شەوی ڕابردووەوە بەهۆی دوو ڕووداوی هاتوچۆوە لە کۆیە و هەولێر دوو کەس گیانیان لەدەستداوە و حەوت کەسیش برینداربوون، بەڕێوەبەرایەتیی هاتوچۆی هەولێر داوای پاراستنی ماوەی دووریی پێویست دەکات لەنێوان ئۆتۆمبێلەکاندا.
بەڕێوەبەرایەتیی هاتوچۆی هەولێر ڕایگەیاند، لەکاتژمێر 10:00ی شەوی ڕابردوو ڕووداوێکی هاتوچۆ لەسەر ڕێگای هەریر- باسرمە – قەندیل ڕوویداوە، لەڕووداوەکەدا کەسێک گیانیلەدەستداوە و شەش کەسی دیکە برینداربوون.
ئاماژە بەوەشکراوە، ڕووداوەکە بەهیۆ خێرایی و نەپاراستنی ماوەی سەلامەتیی نێوان ئۆتۆمبێلەکان بووە.
هەر ئەمڕۆ بەڕێوەبەرایەتیی هاتوچۆی کۆیە بڵاویکردەوە، لەکاتژمێر 7:00ی بەیانی ڕووداوێکی هاتوچۆ لەسەر ڕێگای کۆیە – هەولێر ڕوویداوە، بەهۆی ڕووداوەکەوە کەسێک گیانیلەدەستداوە و کەسێکی دیکەش برینداربووە.
