ڕێکخراوی کاروباری مافەکانی مرۆڤی نەتەوە یەکگرتووەکان ئاشكرایدەكات، لە سەرەتای دەستپێکردنی هێرشەكانی ڕوسیا بۆسەر ئۆكرانیا زیاتر لە 902 هاوڵاتیی مەدەنی کوژراون و هەزار و 459 هاوڵاتی دیکەش برینداربوون.
بەپێی نوێترین ئاماری ڕێكخراوەكە، زۆرینەی قوربانییەکان بەهۆی بۆردومانەکان و تۆپهاوێژەکان و مووشەک و هێرشە ئاسمانییەکانەوە بوون.
باسی لەوەش كردووە زیاتر لە ملیۆنێك هاوڵاتیی مەدەنی ئۆكرانی ئاوارەی وڵاتانی یەكێتیی ئەوروپا و وڵاتانی دیكە بوون.
ڕێکخراوی کاروباری مافەکانی مرۆڤی نەتەوە یەکگرتووەکان پێشیوایە، ژمارەی قوربانیانی مەدەنی لە ئۆکرانیا زۆر زیاتر بێت، بەهۆی ئەوەی هێشتا نەیانتوانیوە ڕاپۆرتی قوربانییەکان لە شارەکانی وەکو ماریوپۆڵ و ئەوانی دیکە پشتڕاستبکەنەوە.
