وەزارەتی پەروەردەی هەرێمی كوردستان بەڕێوەبەرایەتیی گشتیی پرۆگرامەكانی ڕاسپارد بۆ ساڵی خوێندنی 2022-2023 ، بەشە وانەی زمانی كوردی لە خوێندنگە ناحكومییە نێودەوڵەتییەكان پێداچوونەوەی پێدابكرێت بەجۆرێك زیاتربێت لە ژمارەی ئەو بەشە وانانەی لە ئێستادا بۆ زمانی كوردی دیاریكراوە.
بەپێی ڕاگەیەندراوێكی وەزارەتی پەروەردەی هەرێمی كوردستان ئەمڕۆ پێنجشەممە بڵاویكردووەتەوە، بەڕێوەبەرایەتیی گشتیی ئەزموونەكان ڕاسپێردرا بۆ ساڵی خوێندنی 2022-2023 ،ڕێنمایی پێویست دەربكات بۆ ئەنجامدانی هەڵسەنگاندنی زمانی كوردیی بۆ خوێندكاران لە قۆناغەكانی بنەڕەتی لە ناوەندەكانی خوێندنی ناحكومی.
وەزارەتی پەروەردە ئاماژەی بەوەكرد، ” بڕیاردرا لە ساڵی خوێندنی 2022-2023، بۆ قۆناغەكانی (1-3)ی بنەڕەتی ڕاهێنانی بەردەوام بۆ مامۆستایانی زمانی كوردی ئەنجامبدرێت”.
