ڕۆبڵى ڕوسى به‌رامبه‌ر بە دۆلار به‌شێوه‌یه‌كى به‌رچاو دابه‌زینی به‌خۆیه‌وه بینی، به‌شێوه‌یه‌ك به‌ڕێژه‌ى 30٪ نرخه‌كه‌ى له‌ده‌ست دا.
ئاژانسی ڕۆیته‌رز بڵاویركرده‌وه، به‌یانیى ئه‌مڕۆ بەهای ڕۆبڵی ڕوسی به‌ڕێژه‌ى 30٪ نرخه‌كه‌ى له‌ده‌ست دا و به‌هاى یه‌ك دۆلارى ئه‌مریكى گه‌یشته 119 ڕۆبڵ به‌وه‌ش گه‌یشته نزمترین ئاستی لە مێژوودا.
هاوكات میدیاكانى ڕوسیا بڵاویانكرده‌وه، بانکی ناوەندیی ڕوسیا بۆ پاڵپشتیی دراوه‌كه‌ى نرخی سوودی بۆ %20 بەرزکردەوە.
هێرشه‌كه‌ى ڕوسیا بۆسه‌ر ئۆكرانیا و سزاكانى ئه‌مریكا و یه‌كێتیی ئه‌وروپا وایانكردووه دراوى ڕوسی تا بێت زیاتر نرخه‌كه‌ى له‌ده‌ستبدات.
