بەڕێوەبەری بانكێكی كەركوك لە هەوڵێكی تیرۆركردن ڕزگاریبوو، تەقەكەرەكە دەستگیركرا.
پۆلیسی كەركوك ئەمڕۆ هەینی ئاشكرایكرد، كەسێك دوای ئۆتۆمبێلی بەڕێوەبەری بانكێكی شارەكە كەوتووە بەمەبەستی تیرۆركردنی، بەڵام زانیارییان پێگەیشتووە و ڕێگربوون لە جێبەجێكردنی تیرۆركردنەكە.
پۆلیس دەڵێت، كەسەكە دوای ئۆتۆمبێلی كاربەدەستەكە كەوتووە و دواتر ڕایگرتووە و تەقەی لێكردووە، بەڵام دەستبەجێ لەلایەن هێزە ئەمنییەكانەوە دەستگیركراوە.
موقەدەم عامر نوری وتەبێژی پۆلیسی كەركوك هەواڵەكەی بۆ تۆڕی میدیایی ئێستا پشتڕاستكردەوە، بەڵام ئامادەنەبوو زانیاری لەبارەی ناوی بەڕێوەبەری بانكەكە و شوێنی ڕووداوەكەوە بدات و هۆكارەكەی بۆ لایەنی ئەمنیی گەڕاندەوە.
وتیشی، ئەو كەسە بەڕێوەبەری یەكێك لە بانكە گەورەكانە و سێ گولـلە بەر ئۆتۆمبێلەكەی كەوتوون.
