بەڕێوەبەرایەتیی گشتیی هاتوچۆی سلێمانی هەردوو ڕێگای سەر شاخی گۆیژە و ئەزمەڕی بەربەستکرد و هۆکارەکەشی بۆ مەترسیی لەسەر شۆفێریکردن لەو ڕێگایانە گەڕاندووەتەوە.
لەڕاگەیەندراوێکدا بەڕێوەبەرایەتیی هاتوچۆی سلێمانی ئاشکرایکردووە، ” بەهۆی بوونی بەستەڵەک و مەترسی لەسەر شۆفێریکردن بەڕێوەبەرایەتیی هاتوچۆی سلێمانی هەردوو ڕێگای چوونە سەرەوە بۆ شاخی گۆیژە و چیای ئەزمەڕ بەربەست دەکات”.
هاتوچۆی سلێمانی ئاماژەی بەوەکردووە، بڕیارەکە لەلایەن مەفرەزەکانی بەڕێوەبەرایەتیی هاتووچۆی سلێمانییەوە جێبەجێدەکرێت، ڕێگاکانیش بەداخراوی دەمێننەوە تا ئەوکاتەی شیاو دەبن بۆ شۆفێری کردن.
