ترەمپ ویلایەتى ئالاسكاى بردەوە

دۆناڵد ترەمپ

دۆناڵد ترەمپ، كاندیدی كۆمارییەكان بۆ هەڵبژاردنی سەرۆكایەتی ئەمریكا بە براوەى ویلایەتى ئالاسكا ڕاگەیەندرا.

بە گوێرەى ئەو ئەنجامە نافەرمییانەى لە میدیاكانی ئەمریكا بڵاوكراوەتەوە، ترەمپ 56.9%ى دەنگەكانى ویلایەتى ئالاسكاى بردووەتەوە.

بەم ئەنجامە ترەمپ ژمارەى نوێنەرەكانى بۆ 217 بەرزكردەوە. لەكاتێكدا بەپێی ئەنجامە نافەرمییەكان جۆ بایدن كە 279 نوێنەرى بردووەتەوە، كورسى سەرۆكایەتى مسۆگەر كردووە.

سەرەڕای جیاوازی ئەنجامەكان و ئەگەری زۆری یەكلابوونەوەی هەڵبژاردنەكە لە بەرژەوەندی بایدن، ڕۆژی سێشەممە ترەمپ لە تویتێکدا وتی، “ئێمە بەرەوپێشچوونی گەورەمان بەخۆوە بینیوە، ئەنجامەکان هەفتەی داهاتوو دەگەڕێنەوە و دووبارە ئەمریکا مەزن ڕادەگرین”.

دۆناڵد ترەمپ و تیمەكەی چاوەڕوانن تانە و سکاڵاکانیان لە هەڵبژاردن، یەكلایی ببنەوە و ئەنجامەكانیان بگەڕێنەوە، هەر بۆیە پێیانوایە هێشتا زووە بۆ ئەوەی بردنەوەی جۆ بایدن وەك سەرۆكی ئەمریكا ڕابگەیەندرێت.

لەوبارەیەوە، کەیلی مکێنانی، سکرتێری رۆژنامەوانیی کۆشکی سپی ڕایگەیاند، “هەڵبژاردن کۆتایی نەهاتووە و زۆر لەوە دوورە کۆتایی پێبێت. ئەوەی تائێستا ئێمە كردوومانە، تەنیا دەستپێكردنی پرۆسەی بەدەستهێنانی دەنگی ورد و راستە”.

بانگەشەی ترەمپ و تیمەكەی بۆ ئەگەری گۆڕانی ئەنجامەكانی هەڵبژاردن تەنها تۆماركردنی سكاڵا نییە، بەڵكو ئەوەی ئێستا ڕوونبووەتەوە، كاركردنی دەسەڵاتی دادوەریی ئەمریكا-یە لەسەر ئەو سكاڵایانە، بەجۆرێك كە داواکاری گشتیی ئەو وڵاتە، وەزارەتی دادی ڕاسپاردووە بەدواداچوون بۆ سکاڵاکانی ترەمپ بکات.

بابەتی پێشتر

بەبێ ڕەزامەندی كورد پرۆژەیاسای قەرزكردن پەسەندكرا

بابەتی دواتر

توركیا.. جگەرەكێشان لە شوێنە گشتییەكاندا قەدەغەكرا

بابەتی پەیوەندیدار
زیاتر ببینە

نرخی نەوت زیاتر بەرزبووەوە

نرخی نەوت لە بازاڕەكانی جیهان بەرزبوونەوەی بەخۆوە بینیی و یەك بەرمیل نەوتی خاوی برێنت لەسەروو 80 دۆلارەوە مامەڵەی…
Total
0
Share