فراكسیۆنەكانی یەكێتی و دەوڵەتی یاسا لە بەغداد كۆبوونەوە و پەرەپێدانی پەیوەندییەكانی نێوانیان تاوتوێكرا.
بەپێی ڕاگەیەندراوی كۆبوونەوەكەیان، نیوەڕۆی ئەمڕۆ لە بارەگای پەیوەندییە عێراقییەکانی یەکێتی لە شاری بەغداد، فراکسیۆنی یەکێتیی نیشتمانیی کوردستان و فراکسیۆنی دەوڵەتی یاسا لە ئەنجومەنی نوێنەرانی عێراق کۆبوونەوە.
لە کۆبوونەوەکەدا دواپێشھاتەکانی پەیوەست بە دۆخی سیاسیی عێراق و گفتوگۆی لایەنەکان تاوتوێکران.
هەر بەپێی ڕاگەیەندراوەكە، ھەردوولا جەختیان لە پەرەپێدانی پەیوەندییەکانی نێوانیان و قووڵکردنەوەی گیانی لێپرسراوێتی کردەوە بۆ تێپەڕاندنی قۆناغەکە و پاراستنی بەرژەوەندییەکانی گەلانی عێراق.
