سەرۆكوەزیرانی هەرێم و شاندی یاوەری گەیشتنە هۆڵەندە و بڕیارە لەگەڵ سەرۆكوەزیرانی ئەو وڵاتەدا كۆببێتەوە.
یەكەم وێستگەی سەردانەكەی مەسرور بارزانی هۆڵەندایە و لەو بارەیەوە میدیای نزیك لە پارتی بڵاویكردەوە، لەمیانەی سەردانەكەیدا سهرۆكوهزیرانی ههرێمی كوردستان لەگەڵ مارك ڕوته، سهرۆك وهزیرانی هۆڵهندا كۆدەبێتەوە بۆ تاوتوێكردنی پهیوهندییهكانی نێوان هەردوولا.
هەریەك لە دارا ڕەشید، وەزیری پلاندانان و محەمەد شوكری، سەرۆكی دەستەی وەبەرهێنان یاوەری سەرۆكوەزیرانی هەرێم دەكەن.
پێشتر فەرمانگەی میدیا و زانیاری حكومەتی هەرێم بڵاویكردەوە، سەرۆکی حکومەتی هەرێمی کوردستان سەردانی چەند وڵاتێکی ئەوروپا دەکات و لەگەڵ بەرپرسانی باڵای ئەو وڵاتانەدا کۆدەبێتەوە و گفتوگۆ دەربارەی پەرەپێدانی پەیوەندییە دیپلۆماتییەکانی نێوان هەرێمی کوردستان و وڵاتانی ئەوروپا، بەتایبەتی لە بواری ئابووری دەکات”.
ئاماژەی بەوەشكرد، “حکومەتی هەرێمی کوردستان هەوڵدەدات سوود لە شارەزایی و تواناکانی وڵاتانی ئەوروپا وەربگرێت بۆ پەرەپێدانی دۆخی ئابووریی و گەشەپێدانی وەبەرهێنان و بەهێزکردنی ژێرخانی ئابووریی هەرێمی کوردستان”.
