وەزارەتی خوێندنی باڵا و توێژینەوەی زانستی بڕیاری یەک هەفتە پشووی لەسەرجەم بەش و کۆلێژەکانی زانکۆی سەلاحەدین دا، بەهۆی زیانی لافاوەکەی ئەمڕۆی هەولێر.
ئارام محەمەد وەزیری خوێندنی باڵا و توێژینەوەی زانستی، بەشە ناوخۆیی شەوکەت شێخ یەزدینی لە هەولێر بەسەرکردەوە، کە بەهۆی باران و لافاوەوە زەرەر و زیانی بەرکەوتووە.
دوای سەردانەکەی وەزیری خوێندنی باڵا بۆ ئەو بەشە ناوخۆییە بەهۆی زۆریی ئەو زیانانەی بەر بەشەناوخۆییەکە کەوتووە وەزارەتی خوێندنی باڵا و توێژینەوەی زانستی ماوەی یەک هەفتەی لە سەرجەم کۆلێژ و بەشەکانی زانکۆی سەلاحەدین کردە پشوو.
هۆکاری بڕیارەکەش بۆ ڕێکخستنەوەی بەشە ناوخۆیی شەوکەت شێخ یەزدین دەگەڕێتەوە، کە بەهۆی لافاوەوە زیانی بەرکەوتووە.
