بەڕێوەبەرایەتیی هاتوچۆی سلێمانی ئاگادارییەکی ئاراستەی هاوڵاتییان و شۆفێرانی ساری سلێمانی کردووە و داوایان لێدەکات بۆ کاری پێویست نەبێت لەماڵەکانیان نەچنەدەرەوە.
بەڕێوەبەرایەتیی هاتوچۆی سلێمانی لە ڕاگەیەندراوێکدا داوا لە هاوڵاتییان و شۆفێران دەکات لە چەند کاتژمێری داهاتوودا ئەگەر بۆ کاری زۆر پێویست نەبوو نەچنە دەرەوە و دەڵێت، “تکایە لە ماڵەکانتاندا بمێننەوە و دووربکەونەوە لەو شوێنانەی کە ئەگەری هەیە ئاوی باراناوی تیادا کۆببێتەوە یان مەترسیی دروستبوونی لافاویان لەسەرە”.
داواشیان لێدەکات لەناوچە شاخاوییەکان دووربکەونەوە و لەکاتی هەر حاڵەتێکی نەخوازراودا پەیوەندی بکەن بەلایەنە پەیوەندیدارەکانەوە بۆ بەهاناوەچوونیان.
ئەو لایەنانەی هاتوچۆی سلێمانی بۆ بەهاناوەچوونی هاوڵاتییان بڵاویکردوونەتەوە:
ژمارە ۱٠٠ سەنتەری ڕێکخستنی پەیوەندییەکان (JCC)
ژمارە ۱۱٥ بەرگری شارستانی
ژمارە ۱۲۲ سەنتەری تەندروستی
ژمارە ۱۸۸ کۆنترۆڵی هاتووچۆی سلێمانی
ژمارە ۱٠٦ ئاسایش
ژمارە ۱٠٤ پۆلیسی فریاکەوتن
