کاندیدی دیموکراتەکانی ئەمریکا ناڕاستەوخۆ وەڵامی دۆناڵد ترەمپی دایەوە و ڕایگەیاند، کەس ناتوانێت دیموکراسییەتی ئەمریکا ناشرین بکات.
لێدوانەکەی جۆبایدنی کاندیدی دیموکراتەکان لە کاتێکدایە کە ماوەی دوو ڕۆژە دۆناڵد ترەمپ پرۆسەی هەڵبژاردنەکانی ئەمریکا بە ساختەکاری و دزینی دەنگی کۆمارییەکان ناو دەبات.
بەرەبەیانی ئەمڕۆ 6ی تشرینی یەکەم بەکاتی هەرێمی کوردستان جۆبایدن تویتێکی لە تۆڕی کۆمەڵایەتی تویتەر کردووە و ڕایگەیاندووە، “خەڵکی ئەمریکا بێدەنگ نابن و ڕێگەنادەن کە زۆریان لەسەربێت، من دڵنیام ئەمریکییەکان خۆیان نادەن بە دەستەوە و دەنگەکان دەبێت دەنکە دەنکە بژمێردرێن”.
بایدن قسەکەی دوانیوەڕۆی دوێنی دوبارە کردووەتەوە و ڕایگەیاندووە، “کەس ناتوانێت دیموکراسی ئەمریکا لەناوبەرێت، ئێستا و هیچ کاتێک کەس ناتوانێت دەست بۆ ئەمپرسە ببات، چونکە ئەمریکا ڕێگەیەکی دوری بڕیووە تا گەیشتووە بەم شوێنە و قوربانی زۆریداوە تا گەیشتوون بەم کەشە دیموکراسییە”.
