بەهۆی ترس لە هەڵاوسان و دژواریی دۆخی ئابورییەوە، ئیلۆن مەسك، ملیاردێری ئەمریكی ملیاران دۆلاری بەهۆی دابەزینی پشكە تەكنەلۆجییەكان لەدەست دا.
سامانەكەی مەسك بۆ 268.9 ملیار دۆلار دابەزی، بەڵام تائێستا بەڕێژەی 72% بۆ ئەمساڵ بە بەرزی ماوەتەوە، بەپێی پێنوێنییەكانی بلۆمبێرگ بۆ ملیاردێرەكان.
هەروەك كۆی سامانی جێف بیزۆس، دامەزرێنەری كۆمپانیای ئەمازۆن بە بڕی 2.7 ملیار دۆلار دابەزی لەگەڵ دابەزینی پشكی ئەمازۆن بە ڕێژەی 1.4% لە نیویۆرك. لەهەمانكاتدا لاری ئیلیسۆن، هاوبەشی دامەزرێنەری كۆمپانیای ئۆراكل نزیكەی 2.6 ملیار دۆلار دابەزی، سامانەكەی مارك زوكەربێرگ، سەرۆكی جێبەجێكاری فەیسبووك 1.3 ملیار دۆلار دابەزی و گەیشتە 114.7 ملیار دۆلار.
