پۆلیسی هەولێر ڕایگەیاند ئێوارەی ئەمڕۆ کەسێک هێرشیکردووەتەسەر فەرمانگەی پەیوەندییەکانی دەرەوەی حکومەتی هەرێم و لەکاتی ڕووبەڕووبوونەوە لەگەڵ پاسەوانەکان کوژراوە.
پۆلیسی هەولێر لەسەر ڕووداوەکە دەڵێت، “ئێواره‌ی ئەمڕۆ كاتژمێر شەشی ئێوارە کەسێک ویستویەتی بچێتە ناو فەرمانگەی پەیوەندییەکانی دەرەوەی حکوومەتی هەرێم و هێرشی کردووەتە سەر پاسەوانەکان، ئەوانیش ڕووبەڕووی بوونەتەوە و لە ئەنجامدا گیانی لە دەست داوە”.
ئاماژەی بەوەشکراوە، “هێزەکانمان دەستبەجێ گەیشتونەتە شوێنی ڕووداو و تەرمی کوژراوەکه بە ناوی (م. م) بۆ پزیشکی دادی گواستراوەتەوە، لە ئێستادا لێکۆڵینەوە دەستی پێکردووە و زانیاری زیاتر بڵاودەکرێتەوە”.
