خەزعەلی داوای ڕادەستكردنی چالاكوانێكی عەرەب لە حكومەتی هەرێم دەكات

قەیس خەزعەلی و ئەحمەد وەشاح

بەهۆی وتەكانی بەرامبەر محەمەد سەدر-ی مەرجەعی كۆچكردووی شیعە، ئەمینداری ‏گشتیی عەسائیب داوای ڕادەستكردنی چالاكوانێكی عەرەب لە حكومەتی هەرێم دەكات.‏

قەیس خەزعەلی، ئەمینداری گشتیی عەسائیبی ئەهلی حەق لە تویتێكدا داوایكردووە ئەحمەد ‏وەشاح-ی چالاكوان لەلایەن حكومەتی هەرێمەوە ڕادەستبكرێت بەهۆی ئەو ‏‏”سنووربەزاندنەی” بەرامبەر محەمەد سەدر، مەرجەعی كۆچكردووی شیعە كردوویەتی.‏

وەشاح، كە یەكێكە لە چالاكوانانی خۆپیشاندانەكانی عێراق، لە میانەی قسەكردنیدا لە ‏یەكێك لە گروپەكانی وتووێژ لە تۆڕە كۆمەڵایەتییەكان، تۆمەت ئاراستەی موقتەدا سەدر و ‏محەمەد سادق سەدر-ی باوكی دەكات.‏

هەر ئەمڕۆ ئەحمەد خەفاجی، پارێزگای زیقار ڕایگەیاند، ڕێوشوێنی پێویستیان بۆ ‏دەستگیركردنی ئەو چالاكوانە گرتووەتەبەر پاش ئەوەی لەلایەن لیژنەی یاسایی ڕەوتی ‏سەدرەوە سكاڵای لەسەر تۆماركراوە.‏

لای خۆیەوە وەشاح داوای لێبوردنی كرد لەو قسانەی كردوونی و هۆكارەكەی بۆ “ساتی ‏توڕەبوون و فشاری دەروونی” گەڕاندووەتەوە.‏

محەمەد سادق سەدر، یەكێك بوو لە مەرجەعە شیعییە دیارەكانی عێراق، بە ‏بەرهەڵستیكردنی ڕژێمی پێشووی عێراق بە سەرۆكایەتی سەدام حسێن ناسرابوو.‏

سەدر لە كۆتایی نەوەدەكانی سەدەی ڕابردوو لە ڕووداوێكدا كوژرا و ڕژێمەكەی سەدام بە ‏ئەنجامدانی تۆمەتباركرا.‏

بابەتی پێشتر

ئاوی سلێمانی: لە 24 کاتژمێری داهاتوودا کێشەی شکانی بۆرییەکە چارەسەردەكرێت

بابەتی دواتر

سەڵاحەدین بەهادین بۆ دەسەڵاتدارانی هەولێر: کوا سزای تیرۆری مامۆستا هۆشیار؟

بابەتی پەیوەندیدار
Total
1
Share