ڕاهێنەری هەڵبژاردەی سوید، یانی ئاندێرسۆن جارێکی دیکە زڵاتان ئیبراهیمۆڤیچی بۆ پاڵاوتنەکانی مۆندیال بانگهێشتکردەوە.
بڕیارە لە ڕێکەوتی 11 و 14ی ئەم مانگە (تشرینی دووەم)، هەڵبژاردەی سوید لەچێوەی پاڵاوتنەکانی کیشوەری ئەوروپا ڕووبەڕووی هەڵبژاردەکانی جۆرجیا و ئیسپانیا ببێتەوە، بۆ ئەم مەبەستەش ئانی ئاندێرسۆنی ڕاهێنەر بانگهێشتی زڵاتانی کردووەتەوە.
لە ئازاری 2021 و دوای دابڕان بۆ ماوەی پێنج ساڵ، زڵاتان لە وازهێنان پاشگەزبووەوە و گەڕایەوە بۆ بەشداریکردن لە چالاکییە نێودەوڵەتییەکاندا، بڕیاربوو بەشداریی یورۆی 2021 بکات، بەڵام بەهۆی پێکانەوە دوورکەوتەوە.
زڵاتان تەمەنی 40 ساڵە و باشترین گۆڵکاری نێودەوڵەتیی سویدە بە تۆمارکردنی 62 گۆڵ لەکۆی 118 یاری، لەو کاتەوە لە وازهێنان پاشگەزبووەتەوە سێ جار بانگهێشتی پێکهاتەکانی سوید کراوە، بەڵام تەنها دوو یاری ئەنجامداوە.
