ئەستێرەی ئەڵمانی-ی یانەی بایرن میونشن، سێرج گنابری پێیوایە یاریزانێکی پێکراوی یانەی بەرشلۆنە لە کیلیان مباپێ باشترە.
گنابری لە دۆکیومێنتارییەکی تۆڕی “بێلد سپۆرت”ی ئەڵمانیدا دەڵێت، “بەڕای من عوسمان دێمبیلی-ی فەرەنسی یاریزانی یانەی بەرشلۆنە زۆر لە کیلیان مباپێ-ی هاونیشتیمانی باشترە”.
کیلیان لەئێستادا یەکێکە لە باشترینەکانی پاریس سان جێرمان و جیهان، لە بەرامبەردا عوسمان دێمبیلی بەهۆی پێکانەوە هیچ سوودێکی بە یانەی بەرشلۆنە و تەنانەت هەڵبژاردەی فەرەنسا نەگەیاندووە.
بەوهۆیەوە، چەندین هاندەری هەڵبژاردەی فەرەنسا و تۆپی پێ لە تۆڕی “Reddit” ڕەخنەیان لە بۆچوونەکانی گنابری گرتووە.
یەکێک لە هاندەرەکان نووسیویەتی، “نازانم گنابری مەبەستی لە گەیمی فیفایە یان تۆپی پێی ڕاستەقینە، لە هیچیشیاندا دێمبیلی لە مباپێ باشترنییە”.
