حکومەتی هەرێم چەند ڕێکارێکی نوێی بۆ بەرەنگاربوونەوەی کۆرۆنا دەرکرد

دوای کۆبوونەوەی لیژنەی ڕووبەڕووبوونەوەی کۆرۆنا، وتەبێژی حکومەتی هەرێم چەند ڕێکارێکی نوێی دژی ڤایرۆسی کۆرۆنا ڕاگەیاند و وتی، “دەبێت تا کۆتایی ئەمساڵ هەموو فەرمانبەرانی حکومەتی هەرێم خۆیان ڤاکسینە بکەن”.

جوتیار عادل، وتەبێژی حکومەتی هەرێمی كوردستان دوای کۆبوونەوەکە ڕێکارەکانی بەمشێوەیە ڕاگەیاند:-

یەکەم: تا کۆتایی ئەمساڵ پێویستە هەموو فەرمانبەرانی حکومەت خۆیان ڤاکسین کردبێت.

دووەم: پێویستە تا سەرەتای مانگی کانوونی یەكەم واتە 12 هەموو مامۆستایان و خوێندکارانی تەمەن گونجاو بە ڤاکسینی کۆرۆنا خۆیان کوتابێت.

سێیەم: بەستنی ماسک لە ناوەندەکانی خوێندن بۆ خوێندکاران و مامۆستایان دەکرێتە ناچاری.

چوارەم: چالاکیی گردبوونەوە و کۆبوونەوەی گەورە ڕێگای پێنادرێت و قەدەغەیە.

پێنجەم: کارمەندانی هۆتێل و ڕێستۆرانت و شوێنە گشتییەکان پێویستە بە زووترینکات خۆیان ڤاکسین بکەن.

شەشەم: تا ئەو کاتانەی دیاریكراون بۆ خۆڤاکسینەکردن و بەستنی ماسک، هەر کەسێک کەمتەرخەمبێت سزادەدرێت.

حەوتەم: پرسەدانان بەھەموو شێوەیەک قەدەغەیە.

هەشتەم: پێویستە مامۆستایانی ئایینی ھاوکاربن لە بڵاوکردنەوەی ھۆشیاری و رێنمایی تەندروستی.

نۆیەم: دایکان و باوکان دەتوانن تاوەکو 31-10-2021 بڕیاربدەن کە منداڵەکانیان بچنە قوتابخانە یان بەشێوەی ئۆنلاین بخوێنن.

دەیەم: لە کۆڕ و کۆبوونەوەکاندا دەبێت بەشداربووان کارتی ڤاکسین یان پشکنینی کۆرۆنایان پێبێت.

یانزەیەم: پێویستە پۆلیسی ھاتوچۆ ڕێکارەکانی تایبەت بە شۆفێر و سەرنشینەکان جێبەجێبکەن.

بابەتی پێشتر

سبەینێ مووچەی چەند شوێنێكی دیكە دابەشدەكرێت

بابەتی دواتر

لە كەركوك و مەخمور بڵاوەیان پێدەكرێت.. لیوایەكی پێشمەرگە دەخرێتەسەر وەزارەتی بەرگریی عێراق

بابەتی پەیوەندیدار
Total
0
Share