لە شەڕی بنەماڵەیەکدا گەنجێك کوژرا و ماڵێک سوتێندرا

لە شەڕی بنەماڵەیەکدا لە ناحیەی لەیلانی سەر بە پارێزگای کەرکوک گەنجێکی تەمەن 19 ساڵ کوژرا و ماڵێکیش سوتێندراوە، بکوژ و کوژراوەکەش کەسوکاری یەکترن.

پەیامنێری تۆڕی میدیایی ئێستا لە کەرکوک ڕایگەیاند، ڕووداوەکە لە گوندی قازانبڵاخ-ی سنووری ناحیەی لەلایەن بووە و کوڕە گەنجەکە لەلایەن مام و ئامۆزایەکیەوە کوژراوە.

دوای ئەو ڕووداوی کوشتنە، کەسوکاری کوژراوەکە هێرشیانکردووەتە سەر ماڵی بکوژەکە و ماڵەکەیان سووتاندووە.

پۆلیسی ناحیەی لەیلان لەسەر ڕووداوەکە بە تۆڕی میدیایی ئێستای ڕاگەیاند، ڕووداوەکە بەهۆی کێشەی مەڕوماڵاتەوە ڕوویداوە، چەند جارێکی تریش ئاڵۆزی و شەڕ لەنێوان دووماڵەکە ڕوویداوە، بەڵام بەهۆی چارەسەرنەکردنی کێشەکان لە ڕەگەوە، ئەم ڕووداوەی لێکەوتووەتەوە.

بابەتی پێشتر

شەپۆلێکی بارانبارین بەشێک لە ناوچە شاخاوییەکانی هەرێم دەگرێتەوە

بابەتی دواتر

عێراق بە پلانێك دەیەوێت لە پێنج ساڵدا 50 هەزار مێگاوات كارەبا زیادبكات

بابەتی پەیوەندیدار