لە هێرشێکی چەکدارانی داعشدا لە ڕۆژهەڵاتی سوریا سەرکردەیەکی فەیلەقی قودسی سەر بە سوپای پاسداران کوژرا.
ئاژانسە هەواڵییەکان ئاشکرایدەکەن، بەرەبەیانی ئەمڕۆ چەکدارانی داعش بە ماتۆڕسکیل هێرشیانکردووەتە سەر بنکەیەکی فەیلەقی قودسی سوپای پاسداران و جگە لە کوژرانی فەرماندەكەیان، سێ ئەندامی لیواکە بریندار بوون.
سوپای قودسی سوپای پاسداران چەندین ناوچەی ڕۆژهەڵاتی سوریایان کۆنترۆڵکردووە و ناوچەکەش بەهۆی فراوانی و چۆڵییەوە چالاکیی داعشی تێدا ماوە.
چەکدارەکانی نزیک لە ئێران و فەیلەقی قودسی سەر بە سوپای پاسداران ناوچەکانی ڕۆژهەڵاتی سوریایان کۆنترۆڵکردووە و ئیسرائیلیش نیگەرانە لە بوونی ئەو چەکدارانە لەو ناوچەیە، بەتایبەت دوای ئەوەی ناوچەکە بە ناوەندی گواستنەوەی زەمینیی هاوکاریی سەربازیی ئێران دادەنرێت بۆ سوریا و لوبنان.
