سەرەڕای قەدەغەكردن، لە زاخۆوە دەیان بارهەڵگر هەنار هاوردەكراون

سەرەڕای قەدەغەكردنی هێنانی و هاوكات لەگەڵ فێستیڤاڵی هەناری هەڵەبجە، لە زاخۆوە زیاتر لە 20 بارهەڵگر هەنار هێنراوەتە هەرێمی كوردستان.

عەبدولستار مەجید سەرۆکی لیژنەی کشتوکاڵ و سەرچاوەکانی ئاوی پەرلەمانی کوردستان لە تۆڕی كۆمەڵایەتیی فەیسبووك بڵاویكردووەتەوە، “لە ڕێگەی بەدواداچوونێکەوە دڵنیابووینەوە لە هێنانی هەنار لە دەرەوەی هەرێمی کوردستان، لە کاتێکدا بە بڕیاری حکومەت و وەزارەتی کشتوکاڵ، تا ناوەڕاستی مانگی 12 هاوردەی هەنار قەدەغەکراوە”.

سەرۆکی لیژنەی کشتوکاڵی پەرلەمان ئاشكرایكردووە، زیاتر لە 20 بارهەڵگر هەنار لە زاخۆوە داخڵبووە و گەیشتووەتە عەلوەی سلێمانی، تەنانەت دەڵێت، “ژمارەی بارهەڵگرەکانیشمان لەلایە”.

هێنانی ئەو بارە هەنارانە لەكاتێكدایە، چەند ڕۆژی ڕابردوو لە هەڵەبجە فێستیڤاڵی هەنار بەڕێوەچوو، هەروەها لەئێستادا لە هەرێمی كوردستان وەرزی پێگەیشتنی هەناری ناوخۆیە.

بابەتی پێشتر

بۆ یەکەمجار گورچیلەی ئاژەڵ بۆ مرۆڤ دانرا و سەركەوتوو بوو

بابەتی دواتر

لێدوانێكی پێچەوانە لە مباپێ-وە لەبارەی ڕۆناڵدۆ و مێسی

بابەتی پەیوەندیدار
زیاتر ببینە

بەهای دۆلار بەرزبووەوە

ئێوارەی ئەمڕۆ بەهای دۆلار بەرامبەر دینار بەرزبوونەوەی بەخۆوە بینی و بەهای 100 دۆلار گەیشتە 148 هەزار دینار. لەكاتێكدا…
Total
0
Share